У пачатковых класах Парэцкай базавай школы ў рамках тыдня роднай мовы 16 лютага адбылася віктарына "Беларускія казкі". У мерапрыемстве прынялі ўдзел дзве каманды "Агеньчыкі" і "Сонечныя зайчыкі". Дзеці паказалі свае веды ў конкурсах "Назаві казку", "Героі казак", "Прадметы ў казках", "Збяры прыказкі" і іншых. Яны вызначылі, што казкі трэба чытаць і дзецям, і дарослым, таму што яны вучаць быць добрымі, сябраваць, дапамагаюць знайсці выхад са складаных сітуяцый. Віктарына прайшла займальна і з карысцю.
Катанне на лыжах на ўроках фізкультуры-гэта выдатны спосаб спалучаць фізічную актыўнасць з задавальненнем на свежым паветры. Вучні ДУА "Парэцкая базавая школа Слонімскага раёна" на занятках вучацца не толькі асноўным тэхнікам лыжнага спорту, але і развіваюць цягавітасць, каардынацыю і баланс.
6 лютага 2026 прайшоў сход працоўнага калектыва ДУА "Парэцкая базавая школа Слонімскага раёна". Павестка дня - адказнасць за падпіску на экстрэмісцкія каналы. У ходзе сходу супрацоўнікам была даведзена інфармацыя пра недапушчальнасць удзелу ў дзейнасці экстрэмісцкіх каналаў, уключаючы падпіску, рэпосты, каментарыі з заклікамі, а таксама любая публічная агітацыя, якая падрывае бяспеку і рэпутацыю дзяржавы.
6 лютага вучні Парэцкай базавай школы ў рамках праекта "Кожная пятніца - роднае, сваё" здзейснілі завочнае падарожжа "Беларусь турыстычная".
Пад час мерапрыемства ўзгадалі традыцыі нашай краіны, прагледзелі відэафільм на тэму "Славутыя месцы Беларусі".
Вучань 9 класа Хаменка Ягор падзяліўся сваімі ўражаннямі экскурсіі ў Залессе ў сядзібу Агінскіх, у якой на працягу 20 гадоў пражываў знакаміты кампазітар Клеафас Агінскі - аўтар вядомага паланэза «Развітанне з радзімай».
Сёлета зіма багата на снег. Падчас моцнага снегападу патрэбна дапамога не толькі на дарогах, але і на дваровых тэрыторыях . 31 студзеня вучні Парэцкай базавай школы ўзброіліся інвентаром і прынялі актыўны ўдзел ў аперацыі "Ад чыстага сэрца - чысты дом і чысты двор ". Яны папрацавалі не толькі на тэрыторыі школьнага двара , але і ачысцілі снег на аўтобусным прыпынку, месца, дзе спыняецца прыгарадны і школьны аўтобус, двары каля нашых дамоў. Мы любім наш аграгарадок, захоўваем яго традыцыі і жадаем, каб нашы двары былі прыгожымі, чыстымі і ўтульнымі.
У Дзень Беларускіх Вандровак "Беларусь турыстычная" па рэалізацыі праекта "Кожная пятніца-роднае, сваё", дзеці рознаўзроставай групы даведаліся пра славутасці нашага горада, яго архітэктуру; што Слонім адзін са старажытных гарадоў Беларусі, які круглы год наведваюць турысты.
Беларуская песня... Звонкая, вясёлая, і сумная... Народная і сучасная.
У рамках праекта "Кожная пятніца - роднае, сваё" у Парэцкай базавай школе 30 студзеня прайшоў Дзень Беларускай Песні. Вучні ўдзельнічалі ў музычнай гульні "Уладай мелодыю". Рабяты падчас мерапрыемства спыніліся на катэгорыях "Беларускія песні", "Беларускія танцы" і "Патрыятычныя песні".
29 студзеня вучні школы мелі магчымасць пазнаёміцца з сапраўднымі майстрамі даўніны. Спецыялісты Слонімскага аддзела рамёстваў і традыцыйнай культуры пазнаёмілі прысутных з гісторыяй беларускага аддзення, з гісторыяй стварэння выцінанкі, з даўнішняй вышыўкай, пляценнем паясоў і іншымі беларускімі рамёствамі.
Прадэманстравалі пляценне паясоў, правялі майстар-клас па лепцы з гліны, вырабе лялькі-абярэга і аплікацыі з саломкі.
28 студзеня ў моладзевым цэнтры Гродна адбылася ўрачыстая цырымонія ўручэння стыпендый Гродзенскага абласнога аб'яднання "Беларускі фонд міру" адораным і таленавітым дзецям. У ліку стыпендыятаў і вучань ДУА "Парэцкая базавая школа Слонімскага района" Хаменка Ягор, пераможца абласных, рэспубліканскіх і міжнародных музычных конкурсаў. Мы шчыра віншуем Егора з заслужанай узнагародай! Так трымаць! Раўняемся на лепшых.
28 студзеня вучні 4-9 класаў ДУА "Парэцкая базавая школа Слонімскага раёна"
пабывалі на захапляльнай і смачнай экскурсіі па знакамітай кандытарскай фабрыцы «Слодыч», дзе нараджаецца любімае пячэнне.
Пад час экскурсіі наведалі вытворчы цэх і ўбачылі ўвесь дзіўны працэс прыгатавання розных відаў пячэння - ад замесу цеста да фасоўкі гатовай прадукцыі. Таксама паспрабавалі свежае пячэнне, смак якога
не пакіне абыякавым нікога.
