Беларуская песня... Звонкая, вясёлая, і сумная... Народная і сучасная.
У рамках праекта "Кожная пятніца - роднае, сваё" у Парэцкай базавай школе 30 студзеня прайшоў Дзень Беларускай Песні. Вучні ўдзельнічалі ў музычнай гульні "Уладай мелодыю". Рабяты падчас мерапрыемства спыніліся на катэгорыях "Беларускія песні", "Беларускія танцы" і "Патрыятычныя песні".
29 студзеня вучні школы мелі магчымасць пазнаёміцца з сапраўднымі майстрамі даўніны. Спецыялісты Слонімскага аддзела рамёстваў і традыцыйнай культуры пазнаёмілі прысутных з гісторыяй беларускага аддзення, з гісторыяй стварэння выцінанкі, з даўнішняй вышыўкай, пляценнем паясоў і іншымі беларускімі рамёствамі.
Прадэманстравалі пляценне паясоў, правялі майстар-клас па лепцы з гліны, вырабе лялькі-абярэга і аплікацыі з саломкі.
28 студзеня ў моладзевым цэнтры Гродна адбылася ўрачыстая цырымонія ўручэння стыпендый Гродзенскага абласнога аб'яднання "Беларускі фонд міру" адораным і таленавітым дзецям. У ліку стыпендыятаў і вучань ДУА "Парэцкая базавая школа Слонімскага района" Хаменка Ягор, пераможца абласных, рэспубліканскіх і міжнародных музычных конкурсаў. Мы шчыра віншуем Егора з заслужанай узнагародай! Так трымаць! Раўняемся на лепшых.
28 студзеня вучні 4-9 класаў ДУА "Парэцкая базавая школа Слонімскага раёна"
пабывалі на захапляльнай і смачнай экскурсіі па знакамітай кандытарскай фабрыцы «Слодыч», дзе нараджаецца любімае пячэнне.
Пад час экскурсіі наведалі вытворчы цэх і ўбачылі ўвесь дзіўны працэс прыгатавання розных відаў пячэння - ад замесу цеста да фасоўкі гатовай прадукцыі. Таксама паспрабавалі свежае пячэнне, смак якога
не пакіне абыякавым нікога.
27 студзеня прайшла прафарыентацыйная сустрэча вучняў 8-9 класа ДУА "Парэцкая базавая школа Слонімскага раёна" з Мажэйка Мікалаем Юр’евічам, старэйшым інжынерам вузла сувязі 127 брыгады сувязі. Мікалай Юр'евіч расказаў аб сваёй прафесіі, пазнаёміў з вышэйшымі навучальнымі ўстановамі, дзе можна атрымаць адпаведную адукацыю.
У рамках праекта "Кожная пятніца-роднае, сваё" ў Парэцкай базавай школе 23 студзеня прайшоў Дзень Беларускіх Фестываляў. Падчас мерапрыемства вучні пачатковых класаў растлумачылі, што такое "фестываль", пазнаёміліся з назвамі фестываляў, якія былі праведзены ў Беларусі.
У рамках рэалізацыі праекта "Кожная пятніца-роднае, сваё", 23.01.2026 дзеці рознаўзроставай групы ДУА "Парэцкая базавая школа Слонімскага раёна" даведаліся, што у Беларусі праходзіць мноства фестываляў, якія адлюстроўваюць багатую культурную спадчыну, традыцыі і нацыянальны каларыт розных рэгіёнаў краіны. Менавіта сёння размаўлялі пра Міжнародны фестываль мастацтваў «Славянскі базар», які праходзіць у Віцебску і аб'ядноўвае славянскія народы праз музыку і творчасць. Паспрабавалі сябе ў ролі спявачак, намалявалі сімвал "Славянскага базара" васілёк.
16 студзеня вучні ДУА "Парэцкая базавая школа Слонімскага раёна" наведалі канцэрт Сянькоўшчынскай і Жыровічскай школ мастацтваў "Музыка Рождества". Хаменка Ягор, вучань 9 класа, з’яўляецца вучнем і лаўрэатам.
Вучні ДУА "Парэцкая базавая школа Слонімскага раёна" пабывалі на праваслаўным фестывалі "Хрыстаславы-2026". Вучні з задавальненнем паўдзельнічалі ў майстар-класах, акунуліся ў атмасферу прыгожага і добрага пад час святочнага канцэрта.
